السلام عليكم
كيفكم ان شاء الله تمام
من زمان ما كتبت بهذا القسم مواضيع بسبب الدراسة
و خصوصا انو هذا القسم هو القسم المفضل لي
& ما ننسى معزة بلدي فلسطين اللي ساكنة بقلبي قبل قلوبكم كلكم
عنوان موضوعي هو عنوان قصيدة لاحد الشعراء
بيتكلم في قصيدته انو كيف راح يعيش و هو بعيد عن وطنه
قائلا : فلسطين الحبيبة كيف احيا ...
و أنا متله
يعني كيف راح اعيش بعيدة عن وطني الحقيقية و الاصلية
انا من المشردين من ايام النكبة لجأنا الى غزة غير عن بعض الناس اللي لجئو لـ الاردن و لبنان و غيرها
من البلدان العربية و الاجنبية كمان .
لكن مع انهم عايشين بسلام و الدول قادرة توفر للاجئين الملبس و المشرب و المسكن
لكن مو قادرة توفر لهم رائحة بلدهم و العيسة اللي كانوا عايشينها زمان
خلينا نحكي عن معاناة اللاجئين في البلدان العربية :-
اولا ما في معهم بطاقة تثبت انهم فلسطينين و لو فلسطينين ما فيهم يسافروا على بلدهم لو زيارة .
تانيا ما بيقدروا يأخذوا بيت و يكون ملك الهم لانهم اصلا مو من هاي البلاد
تالتا لو بدهم يسافروا ما بيقفوا الا بمكان مخصص او نافذة مخصصة فقط للفلسطينين
هذي المعاناة كلها من الاحتلال كل اللي بيشعر فيه الانسان الفلسطيني الان سببه الاحتلال فقط لا
غير هذا طبعا غير معناناة الفلسطينين في فلسطين و غزة و بكل شبر في فلسطين
معاناة الفلسطينين في فلسطين
اولا بما انو جاي موسم الحج و كل الناس طبعا بدهم يأدوا هاي الفريضة و كل الناس بمختلف البلدان
عندهم القدرة علي السفر بدون ما حدا يكلمهم ما في فلسطين في ناس قدموا على السفر للحج
من تقربيا 13 سنة و لحتى الان ما طلع اسمهم للسفر .
تانيا اي فلسطيني بدو يدخل القدس و الصلاة فيه يمنع الدخول الا لو اليهود وافقوا على دخوله .
تالتا الغاز بكل يوم بيزيد سعر الغاز في غزة و كمان الغاز ما بيوصل للبيوت متل ناقي البلدان
لا لازم يلي بيملئ الانابيب هو اللي يجي علي بيت كل شخص و يعطيه انبوبة الغاز هذا طبعا بعد ما يمر
اسبوع اسبوعين علي البيت بدون غاز .
طبعا هذه المعاناة بتكفي لانو لو بقيت اعدد لكم ما راح اخلص من هلأ لـ مئة سنة
و طبعا هذا كله بيتوقف على كلمة وحدة و هي كلمة احتلال او حصار
وطبعا هذا الشيء ما بيعاني منه الا الفلسطنين فقط
و رغم هذا كله بيشتاقوا لارضهم وبيرفضوا التخلي عنها مهما كانت الظروف
لانها قطعة منهم و هم قطعة منها
و لا فلسطين يستطيع العيش بدونها
و كما ذكرت بإسم الموضوع ( الحبيبة ) هذي حبيبته كيف راح يقدر يعيش من دونها
كل فلسطيني و اولهم انا بيحب فلسطين بعدد قطرات المياه في البحار و المحيطات و الانهار
و بعدد قطرات الامطار و بعدد السحابات و بعدد الاسماك في البحار و بعدد حبات رمال الكرة الارضية و
بعدد شجيرات الارض و بعدد عناصره و ذراته و بعدد بلدان العالم . << بيكفي هذا
و لكن كل ما نقوله و نعبره من كلمات لحبنا لها لا نجد الكلمات التي تكفي للتعبير
و ان و جدنا هذه الكلمات يبقى الحب الذي في القلب مدفون في القلب لا تعبر عنه الكلمات الا بـ
القليل .
البوابة
